Za òknama zymk! A to òznôczô, że czas ju nôwëższi, żebë wëcygnąc ze sklepù abò z balkòna kòło ë przerëchtowac je na sezon. Në a jak to zrobic? Ò tim prawie chcemë wama napisac.

Nowôżnészô sprawa to kąpanié. Nawetka jeżlë môsz zabezpiéczoné kòło przed zëmą, to przez nen cząd zebróné je na nim léga pichù. Dote nôczãsczi nie sygô nama czasu na jeséń żebë dobrze wëczëszczëc z kalëdżi wszëtczé partë kòła. Nôlepi mdze, jeżlë mómë przëstãp do pòdwórka ë szlaùchã z wòdą. W procëmnym razu kąpiémë kòło w balëji. Bòkadno spriskùjemë je wòdą ë trzëmómë mòkré jesz czile minutów, żebë pich czë kalëga mia czas ti wòdë dostac a zôs chùdzy szło nama z czëszczënim.

21. stëcznika tegò rokù miôł swójã premierã albùm kaszëbsczégò pùnkòwégò karna The Damrockers – wëdôwcą jegò je wëdowizna Burning Chords.

Damrockers to karno z kartësczégò krézu ë prezentëje sã nama na swòji debitancczi place sztërnôstoma równo zagrónëma sztëczkama, jaczé ùtrzëmóné są w wiesołim ë fùl mòcë sztélu, szlachùjącym kąsk za The Ramones, Po prostu czë téż Toy Dolls. Damrockersë ni tacą swòji fascynacëji Ramonesama, co je klôrowno czëc w "Oda The Ramones":

"Ramones, Ramones w mòji chëczy w telefónie,

Ramones Ramones i wszëtkò bëlny je..."

- przëłączëwają sã òni na ten ôrt do dosc rosłi grëpë pùnkòwich karnów taczich jak n.p. The Hanson Brothers (wëdôwającé platë przédno jakno fòrmacëjô NoMeansNo)

Dariusz Jażdżyk zrëchtowôł ë ùrzëczëł, wedle reglów licencëji GNU GPL, pòlskò-kaszëbską klawiaturã dlô MacOS X. Òpiartô je òna na tipicznëm dlô Maca ùstôwie pòlsczi klawiaturë programistë (QWERTY), je òna kòmpatibilnô z ùstôwã Polish Pro ë dôwô mòżnotã pisaniô pò pòlskù ë kaszëbskù bez mùszebnotë przełączaniô klawiaturë.

(*)

W naszi zrzeszony kaszëbsczi spòlëznie nicht ni mô bëc sóm, òsoblëwié w nôcãższich chwilach. Dlôte part Kaszëbskò-Pòmòrsczégò Zrzeszéniô w Kòlbùdach dôł zôczątk zbiéraniô dëtków na leczenié Mareka Wałdocha - zaklôdôża tegò partu ë rëchlészégò przédnika, człowieka całim sercã òddónegò kaszëbiznie.

Marek Wałdoch ju òd lat biôtkùje sã z cãżką chòrobą wątrobë. Jedińczim retënkã dlô niegò je przesczép tegò òrganu. Przeprowôdzenié óperacëji ë jegò dôlszô rekònwalescencëjô wëmôgô równak wiele dëtków. Wiemë, że to ni felëjë lëdzi co gò znają ë co gò wësok rechùja ë co bë chcelë gò wspòmóc. Z tą mëszlã ùsôdzoné òstało kònto, z jaczégò dëtczi bãdą czerowóné na nen wësoczi cél.

Wszëtczim darownikòm dzãkùjemë bratëczno za òkôzanié serca.

Në ë znôwù rok nama przeszed
- gwës Wama téż za chùtkò sã to téż wszëtkò krãcy.
Z leżnoscë Gòdów ë Nowégò Rokù żëczã Wama wiele redoscë ë szczescô.

Rôczã téż w tim czasu do czëtnictwa

wëjimków ze Swiãtégò Pismiona ò narodzéniém Jezësa
ë Gòdowich spiéwów

Mark Kwidzińsczi

Tómk Fópka wësztartowôł òficjalno ze swòją internetową starną, jakô mô dôwac pòmòc chãtnëm do ùczbë kaszëbsczégò jãzëka, jak gôdô slogan starnë „przez spiéw”. To, że mómë tuwò tekstë sparłączoné z dobrima lopkama audio je pò prôwdze spòdlém całi starnë – widzy mie sã to, në ë dejô je samô z se dobrô - jem téż tegò gwës, że sã na inicjatiwa pòtkô z wieleną pòchwôłów, stądka nie bãdã za wiele chwôlëł, le òdwòłiwôjąc sã do mòji òbgôdczi z Tómkã, òbczas czilegòdzënowi réżë cugã òb lato, w jaczi bëla prośba ò kriticzny pòzdrzadk na starnë, bãdã miôł starã ò to bë zwarcëc bôczënié na to co bë szło jesz pòprawic.

Redakcëjô Tëgòdnika „Kurier Bytowski” ògłôszô kònkùrs na òpòwiôdanié pò kaszëbskù na fantasticzną, fantasticzno-nôùkòwą ë pòpùlarno-nôùkòwą témã.
Niepòdpisóné robòtë, òznaczoné céchã, mające co nômni 2 znormalizowóné starnë A4, a nié wicy jak 10 taczich starnów, pisóné kòmpùtrowim fòntã Times New Roman, miara 14, nót je wësłac w 3 ekzemplôrzach do 15 stëcznika 2008 r. na adresã òrganizatorë.

7 czerwińc tegò rokù stôł sã przełomòwim datumã w kaszëbsczi infòrmatice. Spëtôta sã gwës dlôcze to? A dlôte, że w wczora je wëszłô pierszô òficjalnô linuksowô distribùcëjô (kubuntu 7.10 – w swòji pierszi wersëji alfa, kùncowé wëdanié bãdze w rujanie), jakô dôwô ju mòżnotã wëbierkù kaszëbsczégò jãzëka, jakno domëslnegò jãzëka systemë, zwëczajno z lëstë. Bez to mòżemë ju pisac ò tim, że mómë pierszą kaszëbską òperacjową systemã, bò nié le blós klawiatura dôwô mòżnota pisaniô pò kaszëbskù, le téż samô systema je ju w dzélu skaszëbionô.

Słëchając dzysô platów - mëszlã tuwò ò czôrnëch krążkach co sã krãcą z chùtkòscama 33 1/3, 45 czë 78 òbrëcenków na minutã - przëpòmnia mie sã, jak (dzes ze trzë lata nazôd) przëszed do mie knôp sąsôda ë zdrząc na gramòfón spëtôł sã co to je ë pòwiedzôł, że cos taczégò pierszi rôz grôjącé widzy. Rok to mùszôł bëc 2004, a mòże ë 2003 ë do mie dopiérze bëło doszłé, że dlô wikszoscë młodszi generacëji je to zwëczajnô stôrodôwnota - nie generalizëjã, piszã blós ò wikszoscë.

Wandale mają zniszczóné pòmnik zakòchóny, kaszëbsczi pôrë, jaczi stoji w Gdini, krótkò òd szandarów. Łôweczka, na jaczi sedzy na pôra zjôwiła sã na placu Kaszëbsczim latos w séwnikù. Chłop na ùchò gôdô cos białce ë pôlcã pòkazëje na sąsedni bùdink, przedwòjnową kamienicã Jakùba Scheibego. Le czile dniów nazôd, łôwka zdżina, bò jak sã òkôzało wzãł ją do renowacëji ji ùsôdzca.